07.10.2026 | 23:48
Արթուր Դանիելյանը կալանավորվեց
Գազայում պահվող պատանդների հաստատված թիվը հասել է 224-ի
Քաղաքականություն
26.10.2023 | 16:00
Գազայի հատվածում պատանդ պահվողների թիվը, ըստ վերջին տվյալների, առնվազն 224 է։ Այս մասին հայտարարել է Իսրայելի պաշտպանության բանակի խոսնակ Դանիել Հագարին, գրում է BBC-ի ռուսական ծառայությունը։
Առավոտյան ճեպազրույցում նա ասել է, որ «224 առևանգվածների ընտանիքներին ծանուցել են», որ իրենց հարազատները պատանդ են պահվում։ Այս թիվը դեռ կարող է աճել, նշել է նա։
Ավելի վաղ իսրայելական բանակը հայտնել էր 222 պատանդի մասին։ Times of Israel-ը նշում է, որ այս թիվը չի ներառում ՀԱՄԱՍ-ի կողմից ազատ արձակված չորս կանանց։
Հիշեցնենք՝ հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելը հայտնեց ավելի քան 3 հազար արձակված հրթիռի մասին: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։
Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ-Աքսայի ջրհեղեղ» գործողություն է անցկացնում: Իսրայելի պաշտպանության բանակն իր հերթին հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին:
