15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
ԱՄՆ-ը, Ճապոնիան և Կորեան դատապարտել են ԿԺԴՀ-ի կողմից Ռուսաստանին սպառազինության մատակարարումը
Քաղաքականություն
26.10.2023 | 16:20
Միացյալ Նահանգները, Ճապոնիան և Հարավային Կորեան խստորեն դատապարտել են Հյուսիսային Կորեայի կողմից Ռուսաստանին ռազմական տեխնիկայի և զինամթերքի մատակարարումը՝ Ուկրաինայի դեմ պատերազմի համար, գրում է DW-ի ռուսական ծառայությունը։
«Նման մատակարարումները, որոնցից մի մասը, մեր տեղեկություններով, արդեն ավարտվել է, զգալիորեն կմեծացնեն ռուսական ագրեսիվ պատերազմի զոհերի թիվը: Մենք միջազգային հանրության հետ համագործակցելով կշարունակենք բացահայտել Ռուսաստանի կողմից ԿԺԴՀ-ից ռազմական տեխնիկա ձեռք բերելու փորձերը»,- ասվում է երեք երկրների ԱԳՆ ղեկավարների համատեղ հայտարարության մեջ, որը հրապարակվել է ԱՄՆ Պետքարտուղարության կայքում։
Փաստաթղթում նշվում է, որ «ԿԺԴՀ-ից ռազմական մատակարարումների օգնությամբ պատերազմը երկարացնելու՝ Ռուսաստանի փորձերի ֆոնին, ԱՄՆ-ը, Ճապոնիան և Հարավային Կորեան վերահաստատում են իրենց վճռականությունը՝ աջակցելու Ուկրաինայի ինքնիշխանությանը և Ռուսաստանի ագրեսիվ պատերազմի հետևանքներին հակազդելու նրա փորձերին»։
Երեք արտաքին գործերի նախարարները նաև ասել են, որ կշարունակեն «ուշադրությամբ վերահսկել ցանկացած նյութ, որը Ռուսաստանը տրամադրում է Հյուսիսային Կորեային՝ հաջակցություն Փհենյանի ռազմական նպատակների»:
