10.01.2025 | 23:14
ՊԵԿ նախագահն ընդունել է Հնդկաստանի դեսպանին
ՌԴ-ն պատրաստ է Արևմուտքի հետ քննարկել Եվրասիական անվտանգության հարցը. Լավրով
Քաղաքականություն
26.10.2023 | 14:41
Ռուսաստանը պատրաստ է խոսել Արևմուտքի հետ եվրասիական անվտանգության մասին, բայց առայժմ այդ հարցում կապի հեռանկարներ չկան երկրների մեծ մասի հետ։ Այս մասին ասել է ՌԴ ԱԳ նախարար Սերգեյ Լավրովը, փոխանցում է ՌԻԱ Նովոստին։
«Ինչ վերաբերում է Եվրասիական մայրցամաքի հարցերով մեր արևմտյան հարևանների վերաբերմունքի հեռանկարին, այսօր մենք այդ երկրների ճնշող մեծամասնության հետ իմաստալից զրույցի հեռանկար չենք տեսնում, դրանք տեսանելի չեն։ Բայց սկզբունքորեն, սա նորից եմ ուզում ընդգծել, մենք միշտ պատրաստ ենք միասին աշխատել, եթե մայրցամաքի մեր արևմտյան հարևաններն ուժ գտնեն անկախանալու համար»,- ասել է նախարարը՝ ելույթ ունենալով «Եվրասիական անվտանգություն. իրականություն և հեռանկարներ փոխակերպվող աշխարհում» միջազգային համաժողովում։
Նա նաև նշել է, որ երկրները պետք է «տիտանական աշխատանք» կատարեն Եվրասիական անվտանգության համակարգ կառուցելու համար։
