26.06.2026 | 20:00
Ավինյանը պարգևատրել է Վարազդատ Լալայանին, Արսեն Հարությունյանին, Արթուր Դավթյանին և այլ մարզիկների
Ռուսաստանը «զանգվածային միջուկային հարվածի» վարժանք է անցկացրել
Քաղաքականություն
26.10.2023 | 15:24
Ռուսաստանը միջուկային զսպման ուժերի վարժանքներ է անցկացրել նախագահ Վլադիմիր Պուտինի գլխավորությամբ, գրում է DW-ի ռուսական ծառայությունը։
«Վարժանքի ընթացքում տեղի են ունեցել բալիստիկ և թևավոր հրթիռների գործնական արձակումներ»,- ասվում է Կրեմլի պաշտոնական կայքում հրապարակված հաղորդագրության մեջ։
Վարժանքը ենթադրում էր «թշնամու միջուկային հարվածին ի պատասխան՝ ռազմավարական հարձակողական ուժերի կողմից զանգվածային միջուկային հարվածների մշակում», ասել է ՌԴ պաշտպանության նախարար Սերգեյ Շոյգուն:
«Յարս» միջմայրցամաքային բալիստիկ հրթիռբ արձակվել է Պլեսեցկի փորձնական տիեզերակայանից՝ Կամչատկայի Կուր փորձադաշտում, իսկ Սինևա բալիստիկ հրթիռն արձակվել է Բարենցի ծովում գտնվող Տուլա միջուկային ռազմավարական հրթիռային սուզանավից։
Զորավարժություններին մասնակցել են Tu-95MS հեռահար ավիացիոն ինքնաթիռներ, որոնք արձակել են թևավոր հրթիռներ։ ՌԴ Պաշտպանության նախարարությունը հրապարակել է արձակումների տեսանյութը։
