Քաղաքականություն
26.10.2023 | 11:46
Առնվազն 22 մարդ է զոհվել, ավելի քան 50-ը՝ վիրավորվել ԱՄՆ Մեյն նահանգի Լյուիսթոն քաղաքում տեղի ունեցած հրաձգության հետևանքով, գրում է BBC-ի ռուսական ծառայությունը։ Հարձակվողը դեռևս վնասազերծված չէ։ Ոստիկանությունը զգուշացնում է, որ հանցագործը զինված է և ծայրահեղ վտանգավոր Իրավապահներին հաջողվել է պարզել կասկածյալի ինքնությունը․ հաղորդվում է, որ նրա անունը Ռոբերտ Քարդ է, 40 տարեկան։ Ոստիկանությունը հրապարակել է կասկածյալի լուսանկարը։
Հրաձգության վերաբերյալ ահազանգերը ստացվել են երկու վայրերից՝ Schemengees ռեստորանից և Sparetime Recreation բոուլինգ-սրահից: Այս երկու կետերի միջև հեռավորությունը 6,5 կմ է։
Նահանգի մեծությամբ երկրորդ քաղաքի բնակիչներին խորհուրդ է տրվում պատսպարվել անվտանգ վայրերում։ Հաղորդվում է, որ հանցագործի որոնումները շարունակվում են։
