26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
Ադրբեջանը չի ծրագրում գրավել Զանգեզուրը․ Հիքմեթ Հաջիև
Քաղաքականություն
25.10.2023 | 22:15
«Հայաստանի տարածքով «Զանգեզուրի միջանցք»-ի ստեղծման նախագիծը կորցրել է իր գրավչությունն Ադրբեջանի համար այն բանից հետո, երբ հնարավորություն է ստեղծվել երթուղի կառուցել Իրանի տարածքով»,- ասել է Ադրբեջանի նախագահի արտաքին քաղաքականության հարցերով օգնական Հիքմեթ Հաջիևը եվրոպական Politico պարբերականի հետ զրույցում։
«Նախագիծը մեզ համար կորցրել է իր գրավչությունը. դրա փոխարեն մենք կարող ենք դա անել Իրանի հետ», – ասել է Հաջիևը, որի խոսքերը մեջբերում է պարբերականը:
Ալիևի վարչակազմի պաշտոնական ներկայացուցչի խոսքով՝ ադրբեջանական կողմի օրակարգը վերաբերում էր միայն Հայաստանի հետ երկկողմ փոխգործակցության շրջանակներում տրանսպորտային կապերի և հաղորդակցությունների հաստատմանը:
Ինչպես գրում է Politico-ն, Հաջիևը հայտարարել է, որ «Ադրբեջանը չի ծրագրում գրավել Զանգեզուրը, որը հայերն անվանում են Սյունիք, այն բանից հետո, երբ երկու կողմերը չեն կարողացել համաձայնության գալ դրա բացման շուրջ»:
