07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Թուրք-ադրբեջանական համատեղ զորավարժություններն ավարտվել են
Քաղաքականություն
25.10.2023 | 18:56
Ադրբեջանի և Թուրքիայի զինված ուժերի զինծառայողների մասնակցությամբ «Մուսթաֆա Քեմալ Աթաթուրք 2023» համատեղ մարտավարական զորավարժությունն ավարտվել են։ Ադրբեջանի ՊՆ-ն հայտնում է, որ վարժանքներին մասնակցել են Ադրբեջանի բանակի ցամաքային զորքերը, առանձին համազորային բանակը, ռազմաօդային ուժերը, հրթիռային և հրետանային ուժերը, ինժեներական զորքերը, հատուկ նշանակության ջոկատները, ռազմածովային ուժերի հատուկ նշանակության ջոկատներն ու Թուրքիայի զինված ուժերի համապատասխան ստորաբաժանումների ներկայացուցիչները։
Դրանցում ներգրավված են եղել երկու երկրների տարբեր զորքերի, ընդհանուր առմամբ, 3000 անձնակազմ, 130 միավոր զրահատեխնիկա, մինչև 100 հրետանային միջոցներ, ավելի քան 20 ավիացիոն և թռիչքային սարքավորում, ինժեներական սարքավորումներ և նավակներ։ Վարժանքներն անցկացվել են Բաքվում, Նախիջևանում, ինչպես նաև Արցախի գրավյալ տարածքներում։
Հիշեցնենք, որ նախօրեին վարժանքների ընթացքում թուրքական F-16 կործանիչներն ու հարվածային ուղղաթիռները, օգտագործելով Bayraktar TB-2 անօդաչուները, մոդելավորել էին պայմանական հակառակորդի «Իսկանդեր» և «Տոչկա-Ու» մարտավարական հրթիռային համակարգերի ոչնչացումը։
Էմմա Չոբանյան
