10.04.2026 | 12:45
Ռուսաստանում Telegram-ի արգելափակումը հասել է գրեթե 100%-ի
Թուրքիան պատրաստ է Պաղեստինի երաշխավոր պետություն դառնալ․ Էրդողան
Քաղաքականություն
25.10.2023 | 17:37
Թուրքիայի նախագահ Ռեջեփ Թայիփ Էրդողանն առաջարկել է խաղաղության համաժողով գումարել պաղեստինա-իսրայելական կարգավորման հարցով, Անկարան պատրաստ է դառնալ երաշխավոր պետություն, գրում է ՌԻԱ Նովոստին։
«Մենք պատրաստ ենք պաղեստինյան կողմի համար որպես երաշխավոր հանդես գալ՝ շնորհիվ մեր հումանիտար, քաղաքական և ռազմական իրավիճակի։ Մենք հանդես ենք գալիս պաղեստինա-իսրայելական խաղաղության միջազգային կոնֆերանս հրավիրելու նախաձեռնությամբ, որին կմասնակցեն տարածաշրջանի բոլոր խաղացողները»,- ասել է Էրդողանը Թուրքիայի խորհրդարանում ունեցած ելույթում։
Ավելի վաղ Թուրքիայի արտգործնախարար Հաքան Ֆիդանը հայտարարել էր, որ Թուրքիան Մերձավոր Արևելքում սրման ֆոնին առաջարկում է Պաղեստինի և Իսրայելի համար երաշխավորների բանաձև՝ խաղաղության հասնելու դեպքում։ Մասնավորապես, նրա խոսքով, Անկարան պատրաստ է երաշխավոր դառնալ Պաղեստինի համար։
