15.09.2026 | 19:14
Զախարովան հայտարարել է, որ ԵՄ-ին Հայաստանի անդամակցելու հանրաքվեի վերաբերյալ Մոսկվայի դիրքորոշումը չի փոխվել
Պեսկովը մեկնաբանել է Ղազախստանում ՆԱՏՕ-ի խաղաղապահ գործողությունների կենտրոնի բացման տեղեկությունը
Քաղաքականություն
25.10.2023 | 17:55
Կրեմլը պետք է ավելի մանրամասն տեղեկություններ հավաքի Ղազախստանում «ՆԱՏՕ-ի խաղաղապահ գործողությունների կենտրոնի բացման» լուրերի վերաբերյալ։ Այս մասին ասել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Մենք պարզապես պետք է ավելի մանրամասն տեղեկատվություն հավաքենք: Խաղաղապահ առաքելություններն ունեն իրենց առանձնահատկությունները: Ղազախստանի զինվորականները մասնակցում են դրանց աշխարհի տարբեր մասերում։ Մենք ակնկալում ենք լրացուցիչ տեղեկատվություն ստանալ Աստանայում գտնվող մեր ընկերներից»,- ասել է Պեսկովը՝ պատասխանելով հարցին, թե ինչպե՞ս է Կրեմլն արձագանքում Ղազախստանում ԱՄՆ դեսպանի կողմից ՆԱՏՕ-ի խաղաղապահ գործողությունների կենտրոն բացելու փաստին։
Հավելենք, որ նախօրեին Ալմաթիում ԱՄՆ դեսպանատունը հայտարարել էր «Ղազախստանի խաղաղապահ գործողությունների կենտրոնում կոնֆերանսների նոր սենյակի բացման հանդիսավոր արարողության մասին»։ Միջոցառմանը մասնակցել է նաև Ղազախստանում ԱՄՆ դեսպան Դենիել Ռոզենբլումը։ Մինչդեռ կենտրոնը բացվել է դեռևս 2006 թվականին։
Էմմա Չոբանյան
