15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Չինաստանը պատրաստակամություն է հայտնել համագործակցել ԱՄՆ-ի հետ
Քաղաքականություն
25.10.2023 | 21:44
Չինաստանի նախագահ Սի Ցզինպինն ասել է, որ պատրաստ է համագործակցել ԱՄՆ-ի հետ։ Այս մասին գրում է DW-ի ռուսական ծառայությունը։
«Համաշխարհային հանրության համար կարևոր է՝ արդյո՞ք Միացյալ Նահանգներն ու Չինաստանը կարող են գտնել համագործակցության ճիշտ ուղին»,- գրել է Սի Ցզինպինը նամակում, որն ընթերցել է երեքշաբթի երեկոյան Նյու Յորքում՝ երկու պետությունների Ազգային համագործակցության կոմիտեի տարեկան ընթրիքի ժամանակ:
Ավելի կայուն երկկողմ հարաբերություններ ունենալու Սիի կոչը՝ հիմնված փոխադարձ հարգանքի, խաղաղ գոյակցության և փոխշահավետ համագործակցության սկզբունքների վրա, հնչել է Չինաստանի արտգործնախարար Վան Յիի Վաշինգտոն այցից առաջ, որը նախատեսված է այս շաբաթվա վերջին:
Դիտորդները նշում են, որ Վան Յիի այցը կարող է ճանապարհ հարթել ԱՄՆ նախագահ Ջո Բայդենի և Սի Ցզինպինի միջև բանակցությունների համար:
Աշխարհի երկու խոշորագույն տնտեսությունները հակասում են միմյանց առևտրի, Թայվանի, Հարավչինական ծովի և մի շարք այլ խնդիրների հարցում:
