10.04.2026 | 12:54
ՈՒԵՖԱ-ի ու Adidas-ի գործակցությունը կավարտվի 25 տարի անց․ Չեմպիոնների լիգայում կխաղան Nike-ի գնդակներով
ԱՄՆ զորքերն Իրաքում և Սիրիայում անցյալ շաբաթվա ընթացքում 13 անգամ հարձակման են ենթարկվել․ Պենտագոն
Քաղաքականություն
25.10.2023 | 16:20
Մերձավոր Արևելքում տեղակայված ամերիկյան զորքերը վերջին շաբաթվա ընթացքում ենթարկվել են առնվազն 13 հարձակման։ Հոկտեմբերի 17-24-ն ընկած ժամանակահատվածում ամերիկյան զորքերը 10 անգամ թիրախավորվել են Իրաքում և երեք անգամ՝ Սիրիայում «անօդաչու թռչող սարքերի և հրթիռների միջոցով»։ Այս մասին հայտարարել է Պենտագոնի մամուլի խոսնակ, բրիգադի գեներալ Փեթ Ռայդերը, գրում է The Hill-ը։
Աղբյուրի համաձայն՝ թեև չկա որևէ ապացույց, որ Իրանն է հրամայել հարձակումները, Պաշտպանության նախարարության պաշտոնյաներն ասում են, որ ամերիկյան զորքերի բոլոր վերջին թիրախներն «իրանական հետք» ունեն:
«Դա ներառում է լիբանանյան «Հըզբոլլահ»-ը, Իրաքում և Սիրիայում զինված խմբավորումները, ինչպես նաև Եմենի հութիները: Այնպես որ, կարծում եմ՝ արդարացի է ասել, որ երբ տեսնում եք այս խմբերի ակտիվության և հարձակումների աճը, դրանում իրանական հետքեր կան»,- ասել են պաշտոնյաները։
Ռայդերը չի հայտնել հարձակումների ժամանակ վիրավորված ամերիկացի զինծառայողների ճշգրիտ թիվը։
Պենտագոնն այս շաբաթ ուժեղացրել է Իրանի դեմ հռետորաբանությունը։ Երկուշաբթի էլ Ռայդերը հայտարարել էր, որ Իրանն է լիովին պատասխանատու Իրաքում և Սիրիայում հարձակումների համար:
Էմմա Չոբանյան
