18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ֆոն դեր Լեյենն ու Միշելը վիճաբանել են Իսրայելի պատճառով. Bloomberg
Քաղաքականություն
25.10.2023 | 17:18
Եվրահանձնաժողովի ղեկավար Ուրսուլա ֆոն դեր Լեյենի և Եվրախորհրդի ղեկավար Շառլ Միշելի միջև կոնֆլիկտ է ծագել այն պատճառով, որ ԵՀ ղեկավարությունը հաշվի չի առնում ԵՄ երկրների համաձայնեցված դիրքորոշումը Մերձավոր Արևելքում պատերազմի վերաբերյալ, հաղորդում է Bloomberg-ը՝ վկայակոչելով դիվանագիտական աղբյուրները։
«Այս պառակտումն ակնհայտ դարձավ ԱՄՆ-ում, որտեղ երկու առաջնորդներն էլ առանձին հանդիպումներ ունեցան Բայդենի հետ։ Վեճը նրանց հետևել է տուն, որտեղ Եվրահանձնաժողովի ղեկավարն այս շաբաթ անցկացնում է խոշոր միջազգային գագաթնաժողով, որին ֆոն դեր Լեյենը չի հրավիրել իր գործընկերոջը՝ ըստ Շառլ Միշելի խոսնակի։ Ֆոն դեր Լեյենի գործողությունները հակասում են իր գործընկերների հետ արարողակարգային և բովանդակային առումով, քանի որ անդամ շատ երկրներ, մասնավորաբար, նրան մեղադրում են Գազայի հատվածում հումանիտար իրավիճակը պատշաճ կերպով չհիշատակելու մեջ, ինչին խորհուրդը պետք է ավելի մեծ ուշադրություն դարձնի»,- նշվում է հրապարակման մեջ։
Ավելի վաղ Politico-ն հայտնել էր, որ ԵՄ երկրների քաղաքական գործիչներն արդեն մեղադրել են ֆոն դեր Լեյենին իր լիազորությունները գերազանցելու մեջ։ Պարբերականի աղբյուրների համաձայն՝ դժգոհությունը վաղուց է հասունանում։
Մասնավորապես, նրանք մատնանշել են չինական էլեկտրական մեքենաների վերաբերյալ նրա նախաձեռնած հակասուբսիդավորման հետաքննությունը, ինչպես նաև միգրացիոն ճգնաժամի դեմ պայքարելու համար Թունիսին 900 միլիոն եվրո հատկացնելու պատրաստակամության մասին հայտարարությունները։ Այս և այլ որոշումներ, ըստ Politico-ի, ընդունվել են առանց ԵՄ անդամների հետ խորհրդակցելու:
