15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Իսրայելը հայտարարել է, որ ՄԱԿ-ի պաշտոնյաներին վիզա չի տրամադրելու՝ Գուտերեշի ելույթի պատճառով
Քաղաքականություն
25.10.2023 | 14:53
Իսրայելը հայտարարել է, որ մերժելու է ՄԱԿ-ի պաշտոնյաներին վիզաների տրամադրումը այն բանից հետո, երբ կառույցի գլխավոր քարտուղար Անտոնիո Գուտերեշը երեկ երեկոյան ասել է, որ հոկտեմբերի 7-ին ՀԱՄԱՍ-ի հարձակումները տեղի չեն ունեցել «վակուումում», գրում է The Times-ը։
«Կարևոր է նաև ընդունել, որ ՀԱՄԱՍ-ի հարձակումները չեն եղել վակուումում: Պաղեստինի ժողովուրդը ենթարկվել է 56 տարվա հեղձուցիչ օկուպացիայի»,- հայտարարել էր Գուտերեշը։
Իսրայելը բուռն է արձագանքել այս հայտարարությանը, որը, ըստ նրանց, արդարացնում է ՀԱՄԱՍ-ի հարձակումները։ Թել Ավիվը կոչ է արել ՄԱԿ-ի ղեկավարին հրաժարական տալ:
«Նրա խոսքերի պատճառով մենք կհրաժարվենք վիզաներ տրամադրել ՄԱԿ-ի ներկայացուցիչներին։ Մենք արդեն մերժել ենք վիզա տրամադրել հումանիտար հարցերով գլխավոր քարտուղարի տեղակալ Մարտին Գրիֆիթսին»,- այսօր առավոտյան Army Radio-ին ասել է ՄԱԿ-ում Իսրայելի դեսպան Գիլադ Էրդանը:
Նա հայտարարել է, որ «եկել է նրանց դաս տալու ժամանակը»։
Էմմա Չոբանյան
