30.04.2026 | 11:00
Կառավարության նիստը՝ ՈՒՂԻՂ
Հոկտեմբերի վերջին Բրյուսելում նախատեսված Փաշինյան-Ալիև հանդիպումը չի կայանա
Քաղաքականություն
25.10.2023 | 12:03
Հոկտեմբերի վերջին Բրյուսելում նախատեսված Հայաստանի և Ադրբեջանի առաջնորդների հանդիպումը տեղի չի ունենա, այն հետաձգվում է: Այս մասին հայտարարել է Հարավային Կովկասի հարցերով ԵՄ հատուկ ներկայացուցիչ Տոյվո Կլաարը APRI Armenia վերլուծական կենտրոնի՝ «Առաջընթաց անորոշության պայմաններում» խորագրով համաժողովի ժամանակ. գրում է civilnet.am-ը։
Նրա խոսքով՝ հայ-ադրբեջանական կարգավորման գործընթացն Արևմուտքի միջնորդությամբ դանդաղ, սակայն ճիշտ ուղղությամբ է ընթանում: Նա դրական է գնահատել Գրանադայում բանակցությունները, որին, սակայն, Ադրբեջանի նախագահ Իլհամ Ալիևը չի մասնակցել: Այնուամենայնիվ Կլաարը հույս ունի, որ բանակցությունները կշարունակվեն, որոնց վերջնարդյունքը կլինի Հայաստանի և Ադրբեջանի միջև խաղաղության պայմանագրի ստորագրումը:
Կլաարը նաև դրական է գնահատել վերջերս Թեհրանում «3+3» ձևաչափով կայացած հանդիպումը։
«Դա օգտակար ենք համարում և այն հակասող չեմ համարում որևէ ձևաչափի: Կարծում եմ՝ կարևոր և օգտակար են հարևանների միջև քննարկումները: Մենք սկզբունքորեն մշտապես համագործակցության օգտին ենք արտահայտվում»,- ասել է նա:
