17.03.2026 | 16:43
Իրանի հետ պատերազմում վիրավորվել է 200 ամերիկացի զինվոր
Վարդենիսի քաղաքապետն արձագանքում է «Սերժի Վաչոյի» մարդը լինելու և ընդհատակ անցնելու մասին լուրերին
Քաղաքականություն
25.07.2018 | 12:28
«Մեքենան անսարք վիճակում է և աշխատանքի ուրիշ մեքենայով գնալ-գալուս պաճառը դա է։ Աշխատանքի էլ, բացի նոյեմբերի 5-ից, մնացած օրերին չի եղել մի դեպք, որ չներկայանամ»,- արձագանքելով մամուլում տեղ գտած այն տեղեկությանը, թե 6-րդ վարչության կողմից Վարդենիսում անցակցված ստուգումներից հետո քաղաքապետն անցել է ընդհատակ, աշխատանքի չի գնում, շրջում է անծանոթ համարանիշներով ավտոմեքենաներով ասաց Վարդենիսի քաղաքապետ Արամ Հարությունյանը։
Վարդենիսի քաղաքապետը խոսեց նաև տարածքներն իր բարեկամներին տալու մասին լուրերից, ասաց, որ տարածքների վաճառքը կատարվել է օրինական ճանապարհով և այդքան տարածք, որքան որ խոսվում է, իրականում չի օտարվել: «Մենք մրցույթ ենք հայտարարել, եկել են մասնակցել և օրինական ճանապարհով գնել են այդ տարածքները»,- ասաց Հարությունյանը։
Վարդենիսի քաղաքապետ ընտրվելիս Հարությունյանը եղել ՀՀԿ խմբակցության անդամ, մայիս ամսից լքել է ՀՀԿ-ի շարքերը, ասաց, որ նոր իշխանությունների հետ աշխատելու որևէ խնդիր չի տեսնում, կաշխատի սիրով: «Ավելի մեծ ուրախությամբ կաշխատենք, գիշեր-ցերեկ էլ կաջակցենք, իրենց աշխատանքներն էլ պարզ երևում են, մենք էլ ենք գոհ, ժողովուրդն էլ»,- նշեց Հարությունյանը։
Նա հերքեց լուրերը, թե ինքը «Սերժի Վաչոյի» մարդն է, ասաց ոչ տեսել է, ոչ էլ որևէ կապ ունի Վաչագան Ղազարյանի հետ։
Նշենք, նաև, որ «Վարդենիսի նյարդահոգեբանական տուն-ինտերնատ» ՊՈԱԿ-ի տնօրեն Արտակ Հարությունյանը՝ քաղաքապետի եղբայրը, որը չարաշահումների մեղադրանքով ձերբակալվել էր, գրավի դիմաց ազատ է արձակվել, քաղաքապետն ասաց՝ քննություն է կատարվում դեպքի հանգամանքերը կպարզվեն առաջիկայում։
Լիլիթ Շաբոյան
