21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Բայրամովը Խովաևի հետ Ադրբեջան-Հայաստան հարաբերությունների կարգավորման հարցեր է քննարկել
Քաղաքականություն
25.10.2023 | 12:07
Ադրբեջանի ԱԳ նախարար Ջեյհուն Բայրամովը Բաքվում ընդունել է Հայաստանի և Ադրբեջանի միջև հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին։
Ադրբեջանական կողմի փոխանցմամբ՝ քննարկվել են Ադրբեջանի և Հայաստանի միջև խաղաղության գործընթացի հեռանկարները, ներկա իրավիճակը և տարածաշրջանում վերջին զարգացումները, ինչպես նաև Թեհրանում տարածաշրջանային «3+3» հարթակի շրջանակում տեղի ունեցած հանդիպման արդյունքները։
Բայրամովն ասել է, թե խաղաղության պայմանագրի ստորագրման իրական հնարավորություններ կան Հայաստանի և Ադրբեջանի միջև այն բանից հետո, երբ Բաքուն Արցախում էթնիկ զտում իրականացրեց։ Նա նաև նշել է, թե, իբր, հայաթափված «Ղարաբաղի հայ բնակիչների համար ստեղծվել են բոլոր հնարավորությունները՝ երկրի օրենսդրության շրջանակում ապրելու որպես Ադրբեջանի քաղաքացի»։
Հավելենք, որ նախօրեին Բայրամովը հեռախոսազրույց է ունեցել ՌԴ ԱԳ նախարար Սերգեյ Լավրովի հետ։
Էմմա Չոբանյան
