07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
ԱՄՆ Կոնգրեսի Ներկայացուցիչների պալատի խոսնակի արդեն չորրորդ թեկնածուն է առաջադրվել
Քաղաքականություն
25.10.2023 | 11:33
ԱՄՆ Կոնգրեսի հանրապետականները Ներկայացուցիչների պալատի խոսնակի հերթական թեկնածու են առաջադրել Լուիզիանայից Մայք Ջոնսոնին, գրում է DW-ի ռուսական ծառայությունը։
Ջոնսոնի թեկնածությունն առաջադրվել է երեկ ուշ երեկոյան տեղի ունեցած փակ քվեարկության արդյունքներով։
Ավելի վաղ հաղորդվել էր, որ Մինոսետայից կոնգրեսական Թոմ Էմմերն առաջադրվելուց մի քանի ժամ անց դուրս է եկել ընտրապայքարից՝ Հանրապետական կուսակցության ծայրահեղ աջ թևի կողմից ճնշումների հետևանքով, որը հրաժարվել է սատարել նրան: Էմմերի թեկնածությանը դեմ է արտահայտվել նաև ԱՄՆ նախկին նախագահ Դոնալդ Թրամփը։
Ներկայացուցիչների պալատն արդեն երեք շաբաթ է՝ չի կարողանում փոխարինող գտնել հոկտեմբերի 3-ին խոսնակի պաշտոնից հեռացված Քևին Մաքքարթիին։ Էմմերից բացի՝ հանրապետականների կողմից այդ պաշտոնը զբաղեցնելու փորձել են արել կոնգրեսականներ Սթիվ Սքալիզը և Ջիմ Ջորդանը, սակայն երկուսն էլ չեն կարողացել թվով կուսակիցների աջակցությունը ստանալ:
