Քաղաքականություն
25.10.2023 | 11:03
Ուկրաինայի դեմ Ռուսաստանի պատերազմը կարելի էր ավարտել՝ դադարեցնելով Կիևին օգնությունը, սակայն Եվրամիությունը դա չի ցանկանում։ Այս մասին հայտարարել է արտաքին գործերի և անվտանգության քաղաքականության հարցերով ԵՄ բարձր ներկայացուցիչ Ժոզեպ Բորելը, փոխանցում է BBC-ի ռուսական ծառայությունը։
Բորելը նշել է, որ ուկրաինացիները չեն կարող ինքնուրույն պաշտպանվել ռուսական ագրեսիայից և Եվրոպայի օգնության կարիքն ունեն: Նա նաև ընդգծել է, որ Եվրամիությունն անընդունելի է համարում Ուկրաինայի կապիտուլյացիան Վլադիմիր Պուտինի ռեժիմի առաջ։
«Մենք չենք կարող թույլ տալ, որ Պուտինը Կիևում խամաճիկ կառավարություն հաստատի և ռուսական բանակը տեղակայի Լեհաստանի սահմանին»,- հայտարարել է Բորելը։
Նա հավելել է, որ Պուտինը, հավանաբար, երկու անգամ կմտածեր՝ արդյո՞ք արժե Ուկրաինա ներխուժել, եթե իմանար, թե Եվրամիությունը և մյուս երկրներն ինչպես կաջակցեն Կիևին։
