14.12.2024 | 19:57
Ինչ իրավիճակ է ճանապարհներին 19։35-ի դրությամբ
Մեծամորի ատոմակայան vs Մինգեչաուրի ջրամբար. Ադրբեջանի ՊՆ-ն արձագանքել է Լևոն Մնացականյանի հայտարարությանը
Քաղաքականություն
25.07.2018 | 11:11
Ադրբեջանի պաշտպանության նախարարությունը արձագանքել է Արցախի պաշտպանության նախարար Լևոն Մնացականյանի՝ Մինգեչաուրի ջրամբարը խոցելու հայտարարությանը. տեղեկացնում է minval.az-ը:
«Նախքան այդպիսի անպատասխանատու հայտարարություններ անելը, թշնամի կողմը պետք է մտածի այն մասին, որ Հայաստանի տարածքում կան այնպիսի օբյեկտներ, որոնց ոչնչացումից հետո այդ տարածքներում դարեր շարունակ կյանք չի լինի»,- հայտարարել է Ադրբեջանի պաշտպանության նախարարությունը՝ ակնարկելով Մեծամորի ատոմակայանը:
Հիշեցնենք, որ Ստեփանակերտում տեղի ունեցած մամուլի ասուլիսի ժամանակ Արցախի պաշտպանության նախարար Լևոն Մնացականյանը պատասխանելով Մինգեչաուրի ջրամբարը ռմբակոծելու մասին հարցին ասել էր. «Մենք հնարավորություն ունենք կաթվածահարելու Ադրբեջանի տնտեսությունը, առայժմ, սակայն, դրա առիթը չեմ տեսնում»:
