24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Հայտնի է Չինաստանի արտգործնախարարի՝ ԱՄՆ այցի օրը
Քաղաքականություն
24.10.2023 | 17:17
Չինաստանի արտաքին գործերի նախարար Վան Ին հոկտեմբերի 26-28-ը կայցելի Միացյալ Նահանգներ և բանակցություններ կվարի պետքարտուղար Էնթոնի Բլինքենի հետ, ինչը կարող է ճանապարհ հարթել երկու առաջնորդների միջև հաջորդ ամիս, գրում է BBC-ի ռուսական ծառայությունը:
Նշվում է, որ Բլինքենը և Վան Ին կքննարկեն երկկողմ, տարածաշրջանային և գլոբալ մի շարք հարցեր՝ Պեկինի և Վաշինգտոնի ջանքերի շրջանակում՝ պատասխանատու կերպով կառավարելու երկկողմ հարաբերությունները և պահպանելու կառավարությունների միջև հաղորդակցության բաց ուղիները։
Վաշինգտոնում Չինաստանի բարձրաստիճան դիվանագետը կարող է հանդիպել նաև ԱՄՆ ազգային անվտանգության հարցերով խորհրդական Ջեյք Սալիվանին, ում հետ նա մի քանի ժամ տևած բանակցություններ է վարել Մալթայում անցյալ ամիս:
Սպասվում է, որ ԱՄՆ-ի և Չինաստանի միջև առաջիկա բանակցությունների հիմնական թեմաները կլինեն երկու երկրների զինվորականների միջև կապի վերականգնումը, իրավիճակը Հարավ-չինական ծովում և Թայվանի նեղուցի շուրջ, Հյուսիսային Կորեայի միջուկային և հրթիռային զարգացումները, ինչպես նաև Չինաստանի կողմից Սինցզյանում մարդու իրավունքների խախտումները, Իսրայելի և ՀԱՄԱՍ-ի միջև պատերազմն ու Ռուսաստանի ներխուժումն Ուկրաինա։
Որպես այցի նպատակ է նշվում նաև Ջո Բայդենի և Սի Ցզինպինի հավանական հանդիպման նախապատրաստումը Ասիա-խաղաղօվկիանոսյան տնտեսական համագործակցության գագաթնաժողովի շրջանակում, որը նախատեսված է նոյեմբերի 11-17-ը Սան Ֆրանցիսկոյում:
Չինաստանի ԱԳՆ-ն հաստատել է գերատեսչության ղեկավար Վան Իի այցը ԱՄՆ։
