12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պետդուման հետաձգել է ՌԴ-ում Հայաստանի քաղաքացիների վարորդական իրավունքի ճանաչումը ՀՀ-ում ռուսաց լեզվի կարգավիճակի բացակայության պատճառով
Քաղաքականություն
24.10.2023 | 15:16
ՌԴ Պետդումայի պատգամավորները որոշել են անորոշ ժամանակով հետաձգել Հայաստանի քաղաքացիների՝ ձեռնարկատիրական և աշխատանքային գործունեություն իրականացնելիս ազգային վարորդական վկայականները ճանաչելու մասին օրինագծի քննարկումը, գրում է Ինտերֆաքսը։
«Ինչ վերաբերում է Հայաստանին, ապա այնտեղ չկա ռուսաց լեզվի կարգավիճակ, վերջին որոշումներն ամենևին ուղղված չեն այս ոլորտում հարաբերությունների զարգացմանը»,- ասել է Դումայի խոսնակ Վյաչեսլավ Վոլոդինը։
Նա նշել է, որ «փաստացի այդ օրինագծով առաջարկվում է լրացուցիչ նախապատվություն տալ Հայաստանին, չնայած այն հանգամանքին, որ երկրի կառավարությունը որևէ քայլ չի ձեռնարկել ռուսաց լեզվի կարգավիճակի ամրապնդման ուղղությամբ։
«Մենք հենց այդ հիմքով էլ կայացնում ենք այլ երկրների ազգային վարորդական իրավունքները Ռուսաստանի տարածքում օգտագործելու որոշումը։ Մենք ընդունել ենք նման որոշում Բելառուսի, Ղազախստանի և Ղրղզստանի հետ կապված, քանի որ ռուսաց լեզուն այնտեղ սահմանադրորեն ամրագրված է»,- ասել է Վոլոդինը։
Կառավարության նախաձեռնած օրինագիծն առաջին ընթերցմամբ ընդունվել է 2022 թվականի հունիսին։
Նիստի սկզբում օրինագծի քննարկումը կասեցնելու առաջարկով հանդես է եկել Դումայի Տրանսպորտի և տրանսպորտի կառուցվածքի զարգացման հանձնաժողովի ղեկավար Եվգենի Մոսկվիչևը։ Նա նշել է, որ «այս նախաձեռնությունը ներկայում չի համապատասխանում Ռուսաստանի շահերին»։
Էմմա Չոբանյան
