26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
Ֆրանսիան չի լքի Իսրայելին․ Մակրոն
Քաղաքականություն
24.10.2023 | 16:17
Ֆրանսիայի նախագահ Էմանուել Մակրոնը խոստացել է Իսրայելին մեկուսացված չթողնել իսլամիստ գրոհայինների դեմ պայքարում, սակայն Իսրայել ժամանելուն պես նախազգուշացրել է տարածաշրջանային հակամարտության վտանգի մասին, գրում է BBC-ի ռուսական ծառայությունը։
«Դուք կարող եք վստահ լինել, որ միայնակ չեք լինի ահաբեկչության դեմ այս պատերազմում։ Մեր պարտականությունն է պայքարել ահաբեկչության դեմ՝ առանց խառնաշփոթ առաջացնելու կամ ընդլայնելու այս հակամարտությունը»,- ասել է Մակրոնը։
Մակրոնը նաև պատրաստվում է այցելել Պաղեստինի ինքնավարության նախագահ Մահմուդ Աբբասին Հորդանան գետի արևմտյան ափում՝ դառնալով առաջին արևմտյան առաջնորդը, որն այցելելու է Պաղեստին Իսրայելի վրա ՀԱՄԱՍ-ի հարձակումից հետո:
Այնուամենայնիվ, տարածաշրջանում իրադարձությունների վրա ազդելու Մակրոնի կարողությանը, ըստ որոշ վերլուծաբանների, սահմանափակ է նրանով, որ նա աստիճանաբար անցնում է դեպի ավելի իսրայելամետ անգլո-ամերիկյան գիծ՝ ի տարբերություն Ֆրանսիայի՝ ավանդաբար ավելի արաբամետ մոտեցման: Վերլուծաբանները նշում են նաև, որ ֆրանսիական կառավարության որոշումը՝ ամբողջությամբ արգելել պաղեստինամետ բողոքի ակցիաները, թեև չեղարկվել է դատարաններում, սակայն արաբական աշխարհում Մակրոնի հեղինակությունը նվազեցնելու պատճառներից մեկն է դարձել։
Ֆրանսիացի պաշտոնյաները Մակրոնի քաղաքականությունը կանխակալ չեն համարում։ Նրանց խոսքով՝ Մակրոնը հետևողականորեն աջակցում է երկու պետությունների հայեցակարգին։
