24.11.2024 | 12:19
Ռումինիայում նախագահական ընտրություններ են
ԱՄՆ-ը կարծում է, որ Իսրայելը Գազայում ցամաքային գործողության հստակ ծրագիր դեռևս չունի․ NYT
Քաղաքականություն
24.10.2023 | 16:33
Վաշինգտոնը մտահոգված է, որ Իսրայելը չունի իրատեսական ռազմական ծրագիր Գազայի հատվածում, և որ Իսրայելի պաշտպանության բանակը դեռ պատրաստ չէ ցամաքային ներխուժում իրականացնել այնպիսի ծրագրով, որը կարող է աշխատել: Այս մասին հայտարարել են նախագահ Ջո Բայդենի վարչակազմի բարձրաստիճան պաշտոնյաները New York Times-ին, փոխանցում է BBC-ի ռուսական ծառայությունը։
Վաշինգտոնը շարունակում է պնդել, որ Միացյալ Նահանգներն Իսրայելին չի ասում՝ ինչպես իրականացնել իր արշավը, և աջակցում է ցամաքային ներխուժմանը: Այնուամենայնիվ, Պենտագոնը գեներալ-լեյտենանտ Ջեյմս Գլինին ուղարկել է Իսրայել՝ օգնելու պլանավորել պատերազմը քաղաքային պայմաններում։
Պենտագոնի պաշտոնական ներկայացուցիչը հայտարարել է, որ Գլինի այցը չի նշանակում, թե ԱՄՆ-ն Իսրայելի փոխարեն է որոշումները կայացնում։ Նրա խոսքով՝ գեներալ Գլինը չի լինի Իսրայելի տարածքում, եթե Գազա ներխուժում սկսվի։
Լրատվամիջոցը գրում է, որ ԱՄՆ վարչակազմն անհանգստացած է նաև, որ Իսրայելի բանակը դեռևս չունի հստակ ռազմական պլան դրված նպատակին՝ ՀԱՄԱՍ-ի ոչնչացմանը հասնելու համար։ Ամերիկացի պաշտոնյաներն ասել են, որ Իսրայելը պետք է որոշի, օրինակ՝ փորձելու է ոչնչացնել ՀԱՄԱՍ-ը թիրախային ավիահարվածներո՞վ, որոնք կզուգորդվեն հատուկ ջոկատայինների թիրախային հարձակումներով, թե՞ Գազա մտնել տանկերով և հետևակով:
Ըստ ամերիկացի պաշտոնյաների՝ երկու դեպքում էլ դա կհանգեցնի մեծ կորուստների, ցամաքային գործողությունը կարող է շատ ավելի արյունահեղ լինել թե՛ զորքերի, թե՛ խաղաղ բնակիչների համար։ Պենտագոնում շատերն ավելի նախընտրելի են համարում առաջին տարբերակը։
Էմմա Չոբանյան
