15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Լիբանանը գին կվճարի, եթե «Հըզբոլլահ»-ի հետ պատերազմ սկսվի․ Իսրայելի նախագահ
Քաղաքականություն
24.10.2023 | 15:55
Լիբանանը չի կարող իր անմեղության մասին հայտարարել, եթե Իսրայելը հարձակման ենթարկվի «Հըզբոլլահ»-ի կողմից։ Ֆրանսիայի նախագահ Էմանուել Մակրոնի հետ մամուլի ասուլիսում հայտարարել է Իսրայելի նախագահ Իցհակ Հերցոգը, գրում է CNN-ը։
«Պետք է պարզ լինի, որ Լիբանանը կվճարի դրա գինը, եթե պատերազմ սկսվի «Հըզբոլլահ»-ի հետ»,- ասել է Հերցոգը։
Նա նշել է, թե «Հըզբոլլահ»-ը կրակի հետ է խաղում։
«Մենք առճակատում չենք փնտրում մեր հյուսիսային սահմանին կամ որևէ մեկի հետ»,- հավելել է Իսրայելի նախագահը։
Մակրոնն իր հերթին ասել է, որ Ֆրանսիան «մեսիջներ է փոխանցել» այլ խմբերին, որոնք «պոտենցիալ ցանկանում են միանալ հակամարտությանը», որպեսզի զգուշացնի նրանց՝ զերծ մնալ դա անելուց:
Իրանի կողմից աջակցվող «Հըզբոլլահ» խմբավորման և Իսրայելի միջև փոխհրաձգությունների աճ է գրանցվել: Նախօրեին էլ Լիբանանի տեղեկատվության նախարարն ասել էր, որ կառավարությունը «պատերազմ չի ցանկանում» Իսրայելի հետ, սակայն Իսրայելի սպառնալիքները դարձել են մշտական։
Էմմա Չոբանյան
