18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Էրդողանը ստորագրել է ՆԱՏՕ-ին Շվեդիայի անդամակցության արձանագրությունը և այն ներկայացրել խորհրդարան
Քաղաքականություն
23.10.2023 | 20:50
Թուրքիայի նախագահ Ռեջեփ Թայիփ Էրդողանը երկրի խորհրդարանին առաջարկել է վավերացնել ՆԱՏՕ-ին Շվեդիայի անդամակցության մասին արձանագրությունը։ ՌԻԱ Նովոստիին այս մասին հայտնել են Էրդողանի աշխատակազմից։
«ՆԱՏՕ-ին Շվեդիայի միանալու մասին Արձանագրությունը ստորագրվել է (Թուրքիայի) նախագահ Ռեջեփ Թայիփ Էրդողանի կողմից 2023 թվականի հոկտեմբերի 23-ին և ներկայացվել Թուրքիայի Ազգային մեծ ժողովին»,- ասվում է հայտարարության մեջ։
Շվեդիան իր դիմումը ՆԱՏՕ-ին էր ներկայացրել անցյալ տարվա մայիսին՝ Ֆինլանդիայի հետ միասին։ Վերջինն ապրիլի 4-ին դարձավ դաշինքի 31-րդ անդամը։ Ստոկհոլմը դեռևս վերջնական հավանություն չի ստացել Բուդապեշտից և Անկարայից։
Այսպիսով, Թուրքիան հայտի վավերացումը կապում է ահաբեկչության դեմ պայքարի Շվեդիայի խոստումների կատարման հետ, այդ թվում՝ Ղուրանի այրման դադարեցման հետ։
