30.04.2026 | 15:35
Ռուսական Storm-1516-ը շուրջ 25 անգամ անդրադարձել է ՀՀ-ին ու Փաշինյանին. Bloomberg-ը՝ ՌԴ-ի ապատեղեկատվական արշավի մասին
Ստամբուլից վերջին 5 տարում 2,2 մլն մարդ է հեռացել տնտեսական ճգնաժամի պատճառով
Քաղաքականություն
23.10.2023 | 23:20
Թուրքիայի վիճակագրական ինստիտուտի (TÜİK) տվյալներով՝ 2018-2022 թվականներին Ստամբուլից գաղթել է 2,18 միլիոն մարդ, գրում է Duvar-ը։
2018-ին այս ցուցանիշը կազմել է 596,000 անձ, 2019-ին այն նվազել է մինչև 378,000-ի: Այնուամենայնիվ, հետագա տարիներին արտագաղթի ցուցանիշն աստիճանաբար բարձրացել է՝ 2022 թվականին գերազանցելով 418,000-ը:
Ստամբուլից մեկնողների հիմնական դրդապատճառը «բնակարանային և կենսապայմանների բարելավման» ցանկությունն է, որը կազմել է նշված պատճառների 22,1 տոկոսը:
Նույն ժամանակահատվածում Ստամբուլ է գաղթել մոտ 1,99 միլիոն մարդ։ Մեգապոլիսի բնակչությունը կազմում է մոտ 16,5 միլիոն մարդ, ներառյալ՝ սիրիացի փախստականները, որոնք նկատելի խումբ էին կազմում Թուրքիայի բնակչության մեջ:
Հոկտեմբերի սկզբի դրությամբ՝ Ստամբուլում կացության թույլտվությամբ բնակվում էր 576 հազար օտարերկրացի։ Այնուամենայնիվ, ոչ բոլոր օտարերկրյա բնակիչներն են փախստականներ։
Մինչ տեղացիները լքել են քաղաքը թուրքական լիրայի մոլեգնող արժեզրկման և գնաճի, հետևաբար՝ կյանքի ծախսերի ավելացման պատճառով, շատ հարուստ օտարերկրացիներ սկսել են ապրել Ստամբուլի կենտրոնական թաղամասերում։
Եգիպտոսից, Ուկրաինայից, Իրանից և Պարսից ծոցի երկրներից շատերը սկսել են մշտական բնակություն հաստատել քաղաքի կենտրոնում, մինչդեռ տեղացիները չեն կարողացել իրենց թույլ տալ դա՝ վարձավճարների կտրուկ բարձրացման պատճառով։
Էմմա Չոբանյան
