18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իրանում վախճանվել է բարոյականության ոստիկանության կողմից ծեծից հետո կոմայի մեջ ընկած 16-ամյա աղջիկը
Քաղաքականություն
23.10.2023 | 18:25
Իրանում մահացել է 16-ամյա Արմիտա Գերավանդը, որը կոմայի մեջ էր ընկել մետրոյում բարոյականության ոստիկանության կողմից հնարավոր ծեծից հետո։ Այս մասին հոկտեմբերի 23-ին հայտնել է CNN-ը՝ վկայակոչելով իրանական պետական լրատվամիջոցներին։
«Արմիտա Գերավանդի առողջական վիճակի վերջին դիտարկումները ցույց են տալիս, որ չնայած բուժանձնակազմի ջանքերին՝ նրա ուղեղը մահացել է»,- հայտնել է Tasnim գործակալությունը։
Հիշեցնենք, որ հոկտեմբերի սկզբին Hengaw իրավապաշտպան կազմակերպությունը հայտնել էր, որ աղջիկը կոմայի մեջ է ընկել Թեհրանի մետրոյում ոստիկանների կողմից ծեծի ենթարկվելուց հետո։ Նրա խոսքով՝ մետրոյի «Շոխադա» կայարանում կին սպաներ են մոտեցել Գերավանդին և խնդրել, որ նա կարգի բերի իր հիջաբը։ Դա վիճաբանության է հանգեցրել, որի ժամանակ Արմիդային հրել են։
Իրանի իշխանությունները հերքել են մեղադրանքները՝ ասելով, որ Գերավանդը հոսպիտալացվել է արյան ճնշման խնդրի պատճառով վնասվածքի հետևանքով։
Իրավապաշտպանները պնդում են, որ անվտանգության ուժերը նրա հարազատներից խլել են հեռախոսները և ստիպել հաստատել իր վնասվածքի «պաշտոնական վարկածը» պետական լրատվամիջոցներին տված հարցազրույցում։
