04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Ադրբեջանի և Իրանի սահմանին փոխհրաձգություն է տեղի ունեցել
Քաղաքականություն
23.10.2023 | 16:25
Ադրբեջանի և Իրանի պետական սահմանին նախօրեին փոխհրաձգություն է տեղի ունեցել։ Ադրբեջանական լրատվամիջոցների հաղորդմամբ՝ Ադրբեջանի պետական սահմանապահ ծառայության «Գոյթեփե» սահմանապահ ջոկատի՝ Յարդըմլի շրջանի Օստայր գյուղի մոտակայքում, գրանցվել է Իրանից երկու անհայտ անձի կողմից թմրանյութի խոշոր խմբաքանակի մաքսանենգ ճանապարհով տեղափոխման դեպք, որը կասեցվել է սահմանապահ ծառայության կողմից։
Նշվում է, որ սահմանախախտները հրազենից կրակ են բացել և փորձել փախուստի դիմել։ Սահմանապահները պատասխան կրակ են բացել, ի վերջո, զինաթափել սահմանախախտներին։
Քննությամբ պարզվել է, որ ձերբակալվածները Իրանի քաղաքացիներ են՝ Իբրահիմզադե Ջանալին (ծնված 1986 թ.) և Սիյամեք Ֆարզին (ծնված 2003 թ.)։ Նրանց մոտ հայտնաբերվել և առգրավվել է 9 կգ 55 գրամ ընդհանուր քաշով թմրանյութ։
Հաղորդվում է, որ օպերատիվ-հետախուզական աշխատանքները շարունակվում են։
Էմմա Չոբանյան
