24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
ԵՄ ԱԳ նախարարները քննարկում են Հայաստանի և Ադրբեջանի հարաբերությունների կարգավորման հարցը
Քաղաքականություն
23.10.2023 | 15:48
Եվրամիության անդամ երկրների արտգործնախարարները այսօր քննարկում են Հայաստանի և Ադրբեջանի միջև հարաբերությունների կարգավորման հարցը, հայտնում է ԵՄ Խորհրդի մամլո ծառայությունը։ Նշվում է, որ քննարկումները ղեկավարում է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը։
«ԱԳ նախարարների խորհուրդը քննարկում կանցկացնի Ուկրաինայի դեմ ռուսական ագրեսիայի վերաբերյալ՝ կենտրոնանալով անվտանգության պարտավորությունների վրա, մտքեր կփոխանակի Հայաստանի և Ադրբեջանի հետ կապված զարգացումների շուրջ»,- ասվում է հաղորդագրությունում։
Նախարարները քննարկել են նաև Իսրայելում և տարածաշրջանում տիրող իրավիճակը՝ Իսրայելի վրա ՀԱՄԱՍ-ի հարձակումներից և Գազայում ծավալվող իրադարձություններից հետո:
Տեղեկացվում է նաև, որ խորհրդի նիստի ավարտին նախարարները կմասնակցեն ԵՄ-Կենտրոնական Ասիա 19-րդ նախարարական հանդիպմանը՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի մասնակցությամբ:
ԵՄ պաշտոնական կայքի հաղորդագրության համաձայն՝ խորհուրդն այսօր որոշում է ընդունել, որով ևս մեկ տարով՝ մինչև 2024 թվականի հոկտեմբերի 31-ը երկարաձգվում են ԻԼԻՊ-ի, Ալ-Քաիդայի և նրանց հետ կապ ունեցող ֆիզիկական ու իրավաբանական անձանց, խմբերի, ձեռնարկությունների և կազմակերպությունների դեմ գործող սահմանափակող միջոցները։
Ներկայում գործող պատժամիջոցների ռեժիմը տարածվում է 14 անձի և 5 խմբի վրա։ Թիրախները ենթակա են ակտիվների սառեցման և ԵՄ մուտքի արգելքի: Բացի այդ, ԵՄ անձանց և կազմակերպություններին արգելվում է միջոցներ, ֆինանսական ակտիվներ կամ տնտեսական ռեսուրսներ տրամադրել պատժամիջոցների ռեժիմի տակ թվարկված անձանց:
