07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Ադրբեջանում մեկնարկել են Թուրքիայի հետ համատեղ զորավարժությունները
Քաղաքականություն
23.10.2023 | 12:07
Ադրբեջանում մեկնարկել են «Մուստաֆա Քեմալ Աթաթուրք-2023» համատեղ մարտավարական զորավարժությունները ադրբեջանական բանակի և Թուրքիայի զինված ուժերի զինծառայողների մասնակցությամբ։
Ադրբեջանի ՊՆ-ն հայտնում է, որ զորավարժություններում ներգրավված է երկու երկրների տարբեր տիպի զորքերի ընդհանուր առմամբ մինչև 3000 անձնակազմ, 130 միավոր զրահատեխնիկա, մինչև 100 հրետանային միջոց, ավելի քան 20 ավիացիոն և թռիչքային սարքավորում, ինժեներական սարքավորումներ և նավակներ։ Վարժանքներն անցկացվում են Բաքվում, Նախիջևանում, ինչպես նաև՝ Արցախի գրավյալ տարածքներում։
««Մուստաֆա Քեմալ Աթաթուրք-2023» համատեղ մարտավարական զորավարժություններում հիմնական շեշտը դրված է զորքերի փոխազդեցության մարտական համախմբվածության ապահովման, հրամանատարության և կառավարման կատարելագործման, փորձի փոխանակման և անձնակազմի պրոֆեսիոնալիզմի բարձրացման վրա»,-ասվում է հաղորդագրության մեջ։
Զորավարժությունները նվիրված են Թուրքիայի Հանրապետության կազմավորման 100 ամյակին։
