26.06.2026 | 12:02
Շախմատի աշխարհի 14-18 տարեկանների առաջնության ավարտին մնացել է մեկ խաղափուլ․ հայ պատվիրակների արդյունքները
Իրանի ԶՈՒ ԳՇ պետը զգուշացրել է ԱՄՆ-ին Իսրայելին զենք ուղարկելու հետևանքների մասին
Քաղաքականություն
20.10.2023 | 21:19
Իրանը նախազգուշացնում է ԱՄՆ-ին Իսրայելին զենք ուղարկելու հետևանքների մասին՝ նշելով, որ դա ավելի կբարդացնի իրավիճակը Գազայում։ Այս մասին հայտարարել է Իրանի ԶՈՒ Գլխավոր շտաբի պետ Մոհամմադ Բաղերին, գրում է CNN-ը՝ վկայակոչելով իրանական լրատվամիջոցներին։
«Միացյալ Նահանգների լայնածավալ աջակցությունը, այդ թվում՝ սիոնիստական ռեժիմին զենք և զինամթերք ուղարկելը, համարվում է ամերիկյան կառավարության մասնակցությունը սիոնիստական ռեժիմի հանցագործություններին։ Դա է՛լ ավելի է բարդացնում իրավիճակը Գազայում»,- Թուրքիայի պաշտպանության նախարար Յաշար Գյուլերի հետ հեռախոսազրույցի ժամանակ ասել է գեներալ-մայոր Մոհամմադ Բաղերին։
Նա նաև ընդգծել է, որ ռազմական հանցագործությունները կանխելու համար անհրաժեշտ են «լուրջ գործողություններ», և կոչ է արել մարդասիրական օգնություն ուղարկել Գազա։
Էմմա Չոբանյան
