15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
«Հրամանը շուտով կլինի»․ Իսրայելի պաշտպանության նախարարը՝ Գազայում ցամաքային գործողության մեկնարկի մասին
Քաղաքականություն
20.10.2023 | 18:20
Իսրայելի պաշտպանության նախարար Յոավ Գալանտը զինվորականներին հավաստիացրել է, որ Գազայում ցամաքային գործողության հրամանը շուտով կտրվի, գրում է Euronews-ը։
Գազայի հատվածի հետ սահմանին տեղակայված իսրայելացի զինվորականները շուտով կլինեն դրա տարածքում, հայտարարել է Գալանտը՝ ուղերձով դիմելով զինվորականներին։
«Հիմա Գազան տեսնում եք հեռվից, շուտով ներսից կտեսնեք, հրամանը շուտով կլինի»,- վստահեցրել է նա։
Ըստ էկոնոմիկայի նախարար Նիր Բարաքաթի, որը երկրի Ազգային անվտանգության խորհրդի անդամ է, կառավարությունն արդեն կանաչ լույս է տվել բանակին «ՀԱՄԱՍ»-ը ոչնչացնելու համար:
Միաժամանակ, դիտորդները նշում են, որ Գազայում ցամաքային գործողություն սկսելու որոշումն արդեն մի քանի անգամ հետաձգվել է, այդ թվում՝ ԱՄՆ-ի ճնշման ներքո, որը պահանջում էր լուծել պաղեստինցիների հումանիտար խնդիրները։
