23.02.2026 | 11:33
Մեքսիկայում անկարգություններ են սկսվել ազդեցիկ թմրաբարոնի վնասազերծումից հետո
Ադրբեջանում ձերբակալել են ռուսամետ քաղաքագետի՝ ՌԴ-ի օգտին աշխատելու կասկածանքով
Քաղաքականություն
20.10.2023 | 22:50
Ադրբեջանի Պետական անվտանգության ծառայության կողմից կալանավորվել է քաղաքագետ Նեզաքեթ Մամեդովան, որը հետևողականորեն ռուսամետ դիրքորոշում է ցուցաբերել։ Այս մասին հայտնում են ադրբեջանական լրատվամիջոցները։
Ենթադրվում է, որ նա ռուսական հատուկ ծառայությունների գործակալ է։ Տարածվող տեղեկությունների համաձայն՝ Մամեդովային բերման են ենթարկել օտարերկրյա պետության գործակալ լինելու կասկածանքով։ Նաև նշվում է, որ նա նախկինում աշխատել է պետական անվտանգության ծառայությունում։
Տարբեր լրատվամիջոցներում էլ արդեն սկսել են հայտնվել Մամեդովայի դեմ հրապարակումներ, որտեղ նրան մեղադրում են «Ռուսաստանի ազդեցության գործակալ լինելու համար»։ Մեջբերվում են նաև Թուրքիային քննադատող ու ՌԴ-ին աջակցող նրա սոցցանցային գրառումները։
Էմմա Չոբանյան
