24.07.2026 | 14:25
Վիրավոր արագիլի ձագը տեղափոխվել է կենդանիների պաշտպանության հիմնադրամ
Բայրամովը ԱՄՆ Պետդեպի պաշտոնյանի հետ քննարկել է Հայաստանի հետ հարաբերություններն ու իրավիճակը տարածաշրջանում
Քաղաքականություն
20.10.2023 | 16:42
Ադրբեջանի ԱԳ նախարար Ջեյհուն Բայրամովն ընդունել է ԱՄՆ պետքարտուղարի Եվրոպայի և Եվրասիայի հարցերով օգնականի տեղակալ Ջոշուա Հաքին: Հանդիպման ընթացքում քննարկվել է իրավիճակը Հարավային Կովկասում։
«Հանդիպման ընթացքում քննարկվել են Ադրբեջանի և Միացյալ Նահանգների համագործակցության հարցերը, հետհակամարտային շրջանում տարածաշրջանում տիրող իրավիճակը և Ադրբեջանի և Հայաստանի միջև հարաբերությունների կարգավորման գործընթացի հեռանկարները»,- հայտնում է Ադրբեջանի ԱԳՆ-ն։
Բայրամովը նշել է, թե ներկա պայմաններում «Ադրբեջանը, ինչպես միշտ, վճռական է խաղաղության օրակարգը խթանելու հարցում», և ընդգծել է «միջազգային հանրության կառուցողական դիրքորոշման կարևորությունն այդ հարցում»։
Հավելենք, որ ԱՄՆ պաշտոնյան այսօր ավելի վաղ հանդիպել էր Ադրեջանի նախագահ Իլհամ Ալիևին։ Նա այցով ժամանելու է նաև Հայաստան։
Էմմա Չոբանյան
