06.06.2026 | 15:33
Հողամասը կանցնի պետությանը․ Հակակոռուպցիոն դատարանը բավարարել է Դատախազության հայցը
ԱՄՆ-ը սկսել է Ուկրաինայի համար նախատեսված արկերը մատակարարել Իսրայելին․ իսրայելական աղբյուր
Քաղաքականություն
20.10.2023 | 16:33
Իսրայելը ԱՄՆ-ից կստանա մի քանի տասնյակ հազար 155 մմ տրամաչափի հրետանային արկեր, որոնք ՀԱՄԱՍ-ի հետ պատերազմից առաջ Պենտագոնը պատրաստվում էր փոխանցել Ուկրաինայի զինված ուժերին։ Այս մասին Axios-ին հայտնել են իսրայելցի երեք պաշտոնյաներ։
Աղբյուրների խոսքով՝ զինամթերքն անհրաժեշտ է եղել Իսրայելի պաշտպանության բանակին Գազայի հատվածում ցամաքային գործողության, ինչպես նաև ռազմական հակամարտության սրման և այնտեղ լիբանանյան «Հըզբոլլահ» խմբավորման մուտքի դեպքում։
Պենտագոնից պարբերականի զրուցակիցները բացառել են, որ հրետանային արկերի փոխանցումն Իսրայելին անմիջապես կազդի օկուպացված տարածքներում ռուսական բանակին դիմակայելու՝ Ուկրաինայի կարողության վրա։
«Մենք վստահ ենք, որ կարող ենք աջակցել ինչպես Ուկրաինային, այնպես էլ Իսրայելին իրենց պաշտպանական կարիքների հարցում»,- ասել է Պենտագոնի խոսնակ, գեներալ Պատրիկ Ռայդերը:
