21.05.2026 | 22:34
Իսրայելական «KAN» հեռուստաընկերությունը ներողություն է խնդրել Հայաստանի փոխարեն Ադրբեջանի դրոշը ցուցադրելու համար. Հանրային ՀԸ
Ադրբեջանում Ալիևի դեմ սոցցանցում գրառման համար ակտիվիստը կալանավորել և ոստիկանությունում ծեծի է ենթարկվել
Քաղաքականություն
21.10.2023 | 11:03
Ադրբեջանում նախագահ Իլհամ Ալիևին քննադատող գրառման համար հերթական ադրբեջանցի ակտիվստն է կալանավորվել։ Ադրբեջանական լրատվամիջոցները գրում են, որ ակտիվիստ Մոհադդին Օրուջևը կալանավորվել է 30 օրով։ Այս մասին լրատվամիջոցներին հայտնել են նրա հարազատները։
Օրուջևը հոկտեմբերի 18-ի երեկոյան բերման է ենթարկվել ոստիկանության Սուրախանիի 32-րդ վարչության ծառայողների կողմից։ Ձերբակալության պատճառը եղել է քննադատական մեկնաբանությունը, որն ակտիվիստը գրել է սոցիալական ցանցերում Ադրբեջանի նախագահի հասցեին։
Հաջորդ օրը Սուրախանի շրջանային դատարանը նրան դատապարտել է 30-օրյա վարչական կալանքի՝ մեղավոր ճանաչելով Վարչական իրավախախտումների վերաբերյալ օրենսգրքի 510 (մանր խուլիգանություն) և 535.1 (ոստիկանության օրինական պահանջները չկատարելը) հոդվածներով։ Բացի այդ, դատարանը նրան տուգանել է 200 մանաթով։
Հարազատները նաև պատմել են, որ Օրուջևին ոստիկանության բաժնում ծեծի են ենթարկել ու դաժան վերաբերմունքի արժանացրել։
Հավելենք, որ վերջին մեկ ամսվա ընթացքում Ադրբեջանի իշխանությունները մոտ 20 հասարակական և քաղաքական ակտիվիստների են կալանավորել։
Էմմա Չոբանյան
