Քաղաքականություն
20.10.2023 | 15:50
Իսրայելը, անվտանգության նկատառումներից ելնելով, Թուրքիայից ժամանակավորապես հետ է կանչել իր բոլոր դիվանագիտներին՝ երկրում հակաիսրայելական լայնածավալ ցույցերի և տրամադրությունների ֆոնին, որոնք կապված են Գազայի վրա հարձակումների հետ, գրում է Turkish Minute-ը։
Անկարայում Իսրայելի դեսպան Իրիտ Լիլիանը նույնպես, ըստ տեղեկությունների, արդեն հեռացել է Թուրքիայից։
Հավելենք, որ Իսրայելը կոչ էր արել իր քաղաքացիներին լքել Թուրքիան «որքան հնարավոր է շուտ»՝ հաշվեհարդարի վախի պատճառով՝ Ստամբուլում և թուրքական այլ քաղաքներում բազմահազար ցույցերի ֆոնին։ Նախօրեից իսրայելցիներն արդեն սկսել են հեռանալ Թուրքիայից։
ՀԱՄԱՍ-Իսրայել հակամարտությունը տեղի է ունենում այն ժամանակ, երբ Թուրքիան նոր էր կարգավորում իր հարաբերությունները Իսրայելի հետ երկար տարիների լարվածությունից հետո:
Իսրայելը և Թուրքիան 2022 թվականի օգոստոսին էին հայտարարել հարաբերությունների ամբողջական վերականգնման և երկու երկրներ դեսպանների վերադարձի մասին։
Էմմա Չոբանյան
