12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ATACMS հրթիռների սպառնալիքի պատճառով ՌԴ-ն ստիպված կլինի իր ռազմաբազաները տեղափոխել թիկունք. բրիտանական հետախուզություն
Քաղաքականություն
20.10.2023 | 18:11
Հոկտեմբերի 16-ի լույս 17-ի գիշերը Ուկրաինայի զինված ուժերի կողմից ամերիկյան ATACMS մարտավարական հրթիռներով հարվածները Լուգանսկի և Բերդյանսկի օդանավակայաններին կստիպեն ռուսական բանակին իր օպերատիվ բազաները և վերահսկողության կենտրոնները հեռացնել առաջնագծից, կարծում է Բրիտանիայի ռազմական հետախուզությունը, փոխանցում է BBC-ի ռուսական ծառայությունը։
«Չնայած վնասի չափը դեռ հաստատված չէ, հավանական է, որ ոչնչացվել են ինը ռուսական ռազմական ուղղաթիռներ Բերդյանսկում և հինգը՝ Լուգանսկում»,- ասվում է ամփոփագրում:
Հաշվի առնելով ռուսական ռազմական արդյունաբերության ծանրաբեռնվածությունը՝ նման կորուստները դժվար կլինի փոխարինել կարճ և միջնաժամկետ հեռանկարում:
Բրիտանացի վերլուծաբանների կարծիքով՝ Բերդյանսկն օգտագործվել է որպես հարավային ուղղությամբ հիմնական առաջապահ օպերացիոն բազա՝ ապահովելով ինչպես նյութատեխնիկական, այնպես էլ հարձակողական/պաշտպանական հնարավորություններ։ Ռեակտիվ ինքնաթիռների ծայրահեղ թույլ աջակցության պատճառով պաշտպանվող ռուսական ստորաբաժանումներն այժմ ավելի ու ավելի են ապավինում ուղղաթիռներին:
Օդային բազաներին հարվածները կարող են լրացուցիչ ճնշում գործադրել ռուս օդաչուների և մեխանիկների վրա, որոնք գրեթե անկասկած տառապում են մարտական հյուծվածությունից և սպասարկման խնդիրներից՝ անսպասելիորեն երկարաձգված պատերազմի պատճառով, կարծում են փորձագետները:
«Իրական հավանականություն կա, որ այս հարվածը կստիպի Ռուսաստանին ևս մեկ անգամ իր օպերատիվ բազաները և հրամանատարական կենտրոնները տեղափոխել առաջնագծից ավելի հեռու՝ ավելացնելով մատակարարման շղթաների վրա ճնշումը»,- ասվում է զեկույցում:
