26.06.2026 | 18:39
Փաշինյանը AMAA բարեգործական ՀԿ–ի նախագահի հետ քննարկել է Վարդենիսում նոր կրթահամալիրի կառուցմանը վերաբերող հարցեր
ԵՄ ԱԳ նախարարները հաջորդ շաբաթ կքննարկեն Հայաստանի և Ադրբեջանի միջև հարաբերությունների կարգավորման հարցը
Քաղաքականություն
20.10.2023 | 12:19
Եվրամիության անդամ երկրների արտգործնախարարները հաջորդ շաբաթ կքննարկեն Հայաստանի և Ադրբեջանի միջև հարաբերությունների կարգավորման հարցը, հայտնում է ԵՄ Խորհրդի մամլո ծառայությունը։
Նշվում է, որ քննարկումները կղեկավարի ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը։
«ԱԳ նախարարների խորհուրդը քննարկում կանցկացնի Ուկրաինայի դեմ ռուսական ագրեսիայի վերաբերյալ՝ կենտրոնանալով անվտանգության պարտավորությունների վրա, մտքեր կփոխանակի Հայաստանի և Ադրբեջանի հետ կապված զարգացումների շուրջ»,- ասվում է հայտարարության մեջ։
Նախարարները կքննարկեն նաև Իսրայելում և տարածաշրջանում տիրող իրավիճակը՝ Իսրայելի վրա ՀԱՄԱՍ-ի հարձակումներից և Գազայում ծավալվող իրադարձություններից հետո:
Տեղեկացվում է նաև, որ խորհրդի նիստի ավարտին նախարարները կմասնակցեն ԵՄ-Կենտրոնական Ասիա 19-րդ նախարարական հանդիպմանը՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի մասնակցությամբ:
