07.10.2026 | 23:48
Արթուր Դանիելյանը կալանավորվեց
Պուտինն այցելել է Ռոստովում ռուսական զորքերի շտաբ, որտեղից ղեկավարվում են Ուկրաինայի դեմ գործողությունները
Քաղաքականություն
20.10.2023 | 16:01
ՌԴ նախագահ Վլադիմիր Պուտինն այցելել է Դոնի Ռոստովում գտնվող ռուսական զորքերի շտաբ։ Պուտինի այցի կադրերը, որը, ինչպես պնդում են, տեղի է ունեցել հոկտեմբերի 20-ի գիշերը, հրապարակել է ՌԴ ՊՆ «Զվեզդա» հեռուստաալիքը, փոխանցում է Meduza-ն։
Հաղորդվում է, որ Պուտինը լսել է ԶՈՒ Գլխավոր շտաբի պետ Վալերի Գերասիմովի զեկույցը։ ԳՇ պետը զեկուցել է, որ զորքերի միացյալ խումբը խնդիրները լուծում է «հատուկ ռազմական գործողության» պլանի համաձայն։ Դուրս գալով շտաբից և հրաժեշտ տալով՝ Պուտինը խնդրել է ողջույններ փոխանցել «բոլոր հրամանատարներին»։
ՌԴ նախագահի մամուլի խոսնակ Դմիտրի Պեսկովն էլ հայտարարել է, որ «այլ զրույցներ ևս տեղի են ունեցել Պաշտպանության նախարարության բարձրագույն ղեկավարության ներկայացուցիչների հետ», սակայն մանրամասներ չի հայտնել։
Էմմա Չոբանյան
