24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Իրաքում ամերիկյան բազաները մեկ օրում չորս անգամ հարձակման են ենթարկվել
Քաղաքականություն
20.10.2023 | 13:50
Մերձավորարևելյան հակամարտության նոր փուլը, որը սկսվել է հոկտեմբերի 7-ին ՀԱՄԱՍ-ի հարձակմամբ, ծավալվում է ոչ միայն Գազայում և Իսրայելի սահմանների շրջագծով, այլև հարյուրավոր կիլոմետրեր հեռու, գրում է Reuters-ը։
Նշվում է, որ Իրաքում գտնվող ամերիկյան բազաները մեկ օրվա ընթացքում չորս անգամ հարձակման են ենթարկվել հրթիռներով և անօդաչու սարքերով։ Զոհերի մասին տեղեկություններ չկան։
Հինգշաբթի երեկոյան հրթիռներն ու անօդաչու սարքերը հարձակվել են Իրաքի արևմտյան Այն ալ-Ասադ ավիաբազայի վրա, որտեղ տեղակայված են ԱՄՆ-ը և միջազգային կոալիցիայի այլ երկրների զորքեր։ Reuters-ի փոխանցմամբ՝ բազայում մի քանի պայթյուն է որոտացել։
Իրաքի բանակը շրջափակել է տարածքը:
Մինչ այդ էլ, հրթիռներն ու անօդաչու սարքերը հարձակվել էի Բաղդադի օդանավակայանի մոտ գտնվող ամերիկյան բազայի վրա։ Այս դեպքում նույնպես տեղեկություններ չկան հետեւանքների մասին։
Բացի այդ, չորեքշաբթի անօդաչու սարքերը հարձակվել են Իրաքում ամերիկյան երկու բազաների վրա։ Անօդաչուները խոցվել են, սակայն մի քանի զինվորականներ թեթև վնասվածքներ են ստացել։
Գործակալությունը հիշեցնում է, որ անցյալ շաբաթ Իրանի հետ կապված իրաքյան խմբավորումները խոստացել էին հարվածներ հասցնել ամերիկացիներին, եթե ԱՄՆ-ը միջամտի ՀԱՄԱՍ-ի հետ Իսրայելի հակամարտությանը:
