02.11.2024 | 15:05
«Գոյ» թատրոնը կվերսկսի իր բնականոն աշխատանքը
Մենք չենք կարող թույլ տալ, որ ՀԱՄԱՍ-ն ու Պուտինը հաղթեն. Ջո Բայդեն
Քաղաքականություն
20.10.2023 | 10:39
Մենք չենք կարող և թույլ չենք տա, որ հաղթեն ՀԱՄԱՍ-ի նման ահաբեկիչները և Պուտինի պես բռնակալները։ Այս մասին հայտարարել է ԱՄՆ նախագահ Ջո Բայդենը՝ իր համաքաղաքացիներին հեռուստաուղերձում բացատրելով, թե ինչու է ԱՄՆ Կոնգրեսից խնդրում միլիարդավոր դոլարների օգնություն հատկացնել Իսրայելին և Ուկրաինային, փոխանցում է BBC-ի ռուսական ծառայությունը։
Բայդենը, որը ՀԱՄԱՍ-ին և Պուտինին նույն մակարդակի վրա է դրել, ասել է, թե երկուսն էլ ցանկանում են ոչնչացնել հարևան ժողովրդավարական երկիրը, և դա հենց այն է, ինչ Միացյալ Նահանգները պարտավոր է կանխել, քանի որ այն մնում է մեծ ազգ և ազատության ու ժողովրդավարության փարոս ամբողջ աշխարհի համար։
«ՀԱՄԱՍ-ը և Պուտինը տարբեր տեսակի սպառնալիքներ են, բայց նրանց ընդհանրությունն այն է, որ նրանք ցանկանում են ամբողջությամբ ոչնչացնել հարևան ժողովրդավարությունը»,- ասել է նա։
ԱՄՆ նախագահի վարչակազմը պատրաստվում է Կոնգրեսին խնդրել անհապաղ 100 միլիարդ դոլար ռազմական օգնություն հատկացնել դաշնակիցներին։ Այս փաթեթի մեծ մասը կուղղվի Ուկրաինային և Իսրայելին, մի մասը՝ Թայվանին և այլ դաշնակիցների:
