15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
ՌԴ-ն դուրս է եկել Ազգային փոքրամասնությունների պաշտպանության մասին Եվրոպայի խորհրդի կոնվենցիայից
Քաղաքականություն
19.10.2023 | 19:15
Ռուսաստանի նախագահ Վլադիմիր Պուտինը ստորագրել է Ազգային փոքրամասնությունների պաշտպանության մասին Եվրոպայի խորհրդի (ԵԽ) շրջանակային կոնվենցիան չեղյալ հայտարարելու մասին օրենքը, որն ավելի վաղ ընդունվել էր խորհրդարանի կողմից: Փաստաթուղթը տեղադրվել է պաշտոնական իրավական տեղեկատվության պորտալում հինգշաբթի՝ հոկտեմբերի 19-ին, գրում է DW-ի ռուսական ծառայությունը։
Սեպտեմբերի վերջին Պուտինը Պետդումա է ներկայացրել Ազգային փոքրամասնությունների պաշտպանության մասին կոնվենցիայից դուրս գալու մասին օրինագիծը, որը հոկտեմբերի 10-ին երրորդ և վերջին ընթերցմամբ ընդունվել է ստորին պալատի կողմից, իսկ հաջորդ օրը հավանության է արժանացրել Դաշնության խորհուրդը։
Օրինագծի հիմնավորման մեջ նշվում էր, որ Եվրոպայի խորհրդի Նախարարների կոմիտեն 2022 թվականի սեպտեմբերին էապես սահմանափակել է ռուս փորձագետի լիազորությունները կոնվենցիայով մասնակից երկրների պարտավորությունների կատարումը վերահսկելու համար ստեղծված հանձնաժողովում։
«Ռուսաստանի Դաշնությունը կորցրել է նաև որոշումների մշակմանը մասնակցելու և ազգային փոքրամասնությունների, առաջին հերթին՝ արտերկրում ռուսալեզու բնակչության իրավունքների ոտնահարման դեպքերը վերահսկելու հնարավորությունը»-ասված է հիմնավորման մեջ։
Բացի այդ, փաստաթղթում նշվում է, որ կոնվենցիայից դուրս գալը Ռուսաստանի Դաշնությանը թույլ կտա «խուսափել խտրական վերաբերմունքից» Եվրոպայի խորհրդի մոնիտորինգի շրջանակներում։
