15.01.2026 | 23:17
Ստեփանծմինդա-Լարս ավտոճանապարհը փակ է բեռնատարների համար
Ադրբեջանի և Ուզբեկստանի ՊՆ ղեկավարները ռազմական համագործակցության հարցեր են քննարկել
Քաղաքականություն
19.10.2023 | 19:53
Ադրբեջանի և Ուզբեկստանի պաշտպանության նախարարներ Զաքիր Հասանովն ու Բախոդիր Կուրբանովը քննարկել են պաշտպանության ոլորտում համագործակցության հեռանկարները, հայտնում է Ադրբեջանի ՊՆ-ն։
Հաղորդվում է, որ նախարարները Տաշքենդում երկկողմ բանակցություններ են վարել նեղ և ընդլայնված կազմով։
«Կողմերը հանգամանալից մտքեր են փոխանակել Բաքվի և Տաշքենդի միջև ռազմական, ռազմատեխնիկական և ռազմակրթական ոլորտներում համագործակցության զարգացման հեռանկարների շուրջ։ Քննարկվել է նաև երկու երկրների մասնագետների պարբերական փոխայցելությունների կազմակերպումը։
Բանակցությունների արդյունքում ստորագրվել է «Ադրբեջանի Հանրապետության պաշտպանության նախարարության և Ուզբեկստանի Հանրապետության պաշտպանության նախարարության միջև 2024 թվականի երկկողմ համագործակցության պլանը»,- ասված է հաղորդագրության մեջ։
