07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Եվրոպայում աճում է լարվածությունը Գազայում ստեղծված իրավիճակի պատճառով
Քաղաքականություն
19.10.2023 | 18:12
Մերձավոր Արևելքում իրավիճակի սրման պատճառով եվրոպական երկրներում կտրուկ աճել է հակասեմական միջադեպերի թիվը։ Չորեքշաբթի օրը Ֆրանսիայում օդային հաղորդակցությունը խաթարվել է այն բանից հետո, երբ Թուլուզի, Բորդոյի և Լիոնի օդանավակայաններում պայթյուցիկների մասին ահազանգեր են ստացվել: Կեսօրին իրավիճակը վերադարձել է բնականոն հուն, գրում է Euronews-ը։
Երկրում, որը դեռևս ցնցված է մի քանի օր առաջ իսլամիստի կողմից ուսուցչի սպանությունից, վերջին շաբաթվա ընթացքում մոտ 200 մարդ է ձերբակալվել հակասեմական գործողությունների համար:
Իսկ Բեռլինում սինագոգի վրա մոլոտովի կոկտեյլներ են նետել։ Գերմանիայի կառավարությունը խստորեն դատապարտել է հարձակումը, որը, բարեբախտաբար, ոչ մի վնաս չի պատճառել։ Ոստիկանությունը հետաքննություն է իրականացնում։
Գերմանիան, Իտալիան, Բելգիան և Ֆրանսիան ուժեղացրել են անվտանգության միջոցառումները։ Տարբեր քաղաքներում կեղծ ահազանգեր են հնչել, որոնք ստիպել են տարհանումներ իրականացնել։
