06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Աբդոլահիանն ու Բայրամովը քննարկել են Հայաստանի ու Ադրբեջանի միջև խաղաղության գործընթացը
Քաղաքականություն
19.10.2023 | 12:45
Ջիդայում Իսլամական համագործակցության կազմակերպության գործադիր կոմիտեի արտահերթ նախարարական նիստի շրջանակներում, որը նվիրված էր իսրայելա-պաղեստինյան հակամարտությանը, հանդիպել են Իրանի ԱԳ նախարար Հոսեյն Ամիր Աբդոլահիանն ու Ադրբեջանի ԱԳ նախարար Ջեյհուն Բայրամովը։
Ադրբեջանական կողմի հաղորդմամբ՝ հանդիպման ընթացքում քննարկվել են երկու երկրների միջև առկա համագործակցության, բազմակողմ տարածաշրջանային համագործակցության օրակարգային հարցեր, ինչպես նաև տարածաշրջանում տիրող իրավիճակը։ Նշվել է վերջին շրջանում երկկողմ շփումների և երկկողմ տնտեսական հանձնաժողովի շրջանակներում անցկացվող հանդիպումների կարևորությունը։
Բայրամովը նաև պատմել է տարածաշրջանում տիրող իրավիճակի, Ադրբեջանի և Հայաստանի միջև խաղաղության գործընթացի օրակարգի հեռանկարների, ինչպես նաև հայաթափված Արցախում Բաքվի կողմից իրականացվող աշխատանքերի մասին։
Նա նշել է, թե Ադրբեջանը վճռական է տարածաշրջանում խաղաղության և անվտանգության հաստատման հարցում և խրախուսելու տարածաշրջանային համագործակցության զարգացումը։
