24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Վրաստանի նախագահ Զուրաբիշվիլիի իմփիչմենթի գործընթացը տապալվեց
Քաղաքականություն
18.10.2023 | 17:15
Վրաստանի խորհրդարանում այսօր քվեարկության է դրվել է նախագահ Սալոմե Զուրաբիշվիլիին իմփիչմենթի ենթարկելու հարցը։ Ըստ վրացական լրատվամիջոցների՝ նախագահի պաշտոնանկությանը «կողմ» է քվեարկել 86, «դեմ»՝ 1 պատգամավոր։ Ընդդիմությունը քվեարկության ժամանակ նիստերի դահլիճում ներկա չի եղել։
Հիշեցնենք, որ Վրաստանի Սահմանադրական դատարանը որոշել էր, որ արտերկիր մեկնելով Զուրաբիշվիլին խախտել է օրենքը՝ չնայած կառավարության արգելքին։ Հենց այս պատճառով էլ սկսվել էր նախագահի իմփիչմենթի գործընթացը։ Հայցը ներկայացրել էր իշխող «Վրացական երազանք» կուսակցությունը։ Դատարանի որոշումը պետք է հաստատվեր խորհրդարանի 150 պատգամավորից 100-ի ձայնով, այդ դեպքում նախագահն իմփիչմենթի կարգով կհամարվեր պաշտոնից հեռացված, սակայն այսօրվա քվեարկությամբ «կողմ» ձայները բավարար չեն եղել դրա համար։
