15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Իրանը կոչ է արել իսլամական երկրներին նավթի էմբարգո սահմանել Իսրայելի դեմ
Քաղաքականություն
18.10.2023 | 23:14
Իսլամական համագործակցության կազմակերպության (ԻՀԿ) անդամ երկրները պետք է նավթի էմբարգո սահմանեն Իսրայելի դեմ և արտաքսեն նրա դիվանագետներին, հայտարարել է Իրանի արտգործնախարար Հոսեյն Ամիր Աբդոլլահիանը Սաուդյան Արաբիայում անցկացվող 57 երկիր ընդգրկող կազմակերպության անդամների արտակարգ նիստի ժամանակ, գրում է The Moscow Times-ը:
«Նախարարը կոչ է անում իսլամական երկրներին անհապաղ ամբողջական էմբարգո սահմանել Իսրայելի նկատմամբ, ներառյալ՝ նավթային պատժամիջոցները, ինչպես նաև արտաքսել Իսրայելի դեսպաններին, եթե հաստատվեն [դիվանագիտական] հարաբերություններ»,- Իրանի ԱԳ նախարարի հայտարարությունն է մեջբերում Reuters-ը։
Աբդոլլահիանը նաև առաջարկել է իսլամական իրավաբանների խումբ հավաքել՝ փաստաթղթավորելու Իսրայելի կողմից Գազայի հատվածում հնարավոր ռազմական հանցագործությունները:
Աբդոլլահիանի հայտարարությունից հետո Brent տեսակի նավթի գինը բարձրացել է ավելի քան 3%-ով, բայց հետո նահանջել գագաթնակետից: Առևտրային օրվա կեսին աճը կազմել է 2,5%, մինչև 92,2 դոլար՝ մեկ բարելի դիմաց։ Ընդհանուր առմամբ, հոկտեմբերի 7-ին իսրայելական բնակավայրերի վրա ՀԱՄԱՍ-ի հարձակումից հետո նավթի գներն աճել են 9%-ով։
