06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ադրբեջանը ցանկանում է ռազմատեխնիական համագործակցություն սկսել Հարավային Կորեայի հետ
Քաղաքականություն
18.10.2023 | 22:10
Ադրբեջանի պաշտպանական արդյունաբերության նախարար Մադաթ Գուլիևը հանդիպել է Հարավային Կորեայի իր գործընկեր Օմ Դոնգ-Հվանի հետ։ Ադրբեջանական լրատվամիջոցները հայտնում են, որ հանդիպումը տեղի է ունեցել Հարավային Կորեայի մայրաքաղաք Սեուլում անցկացվող «SEUL ADEX 2023» միջազգային օդատիեզերական և պաշտպանության ցուցահանդեսի շրջանակում։
Ադրբեջանական պատվիրակությունը, նախարար Գուլիևի գլխավորությամբ, ցուցահանդեսին մասնակցում է հյուրի կարգավիճակով։
Նշվում է, որ կողմերը քննարկել են պաշտպանական արդյունաբերության ոլորտում տեխնոլոգիական նորամուծությունները, ռազմատեխնիկական ոլորտում Ադրբեջանի և Կորեայի հարաբերություններն ու հետագա համագործակցության հեռանկարները։
«SEUL ADEX 2023» ցուցահանդեսը տևելու է մինչև հոկտեմբերի 22-ը։
Էմմա Չոբանյան
