07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Կուրսկի մարզում 18 ԱԹՍ-ներ հարվածել են «Խալինո» օդանավակայանի մոտ գտնվող ռազմական ճամբարին. Ուկրաինա ԱԱԾ
Քաղաքականություն
18.10.2023 | 16:34
Չորեքշաբթի գիշերը Կուրսկի շրջանի վրա անօդաչու թռչող սարքերի հարձակումը կազմակերպել է Ուկրաինայի անվտանգության ծառայությունը, առնվազն 18 անօդաչու թռչող սարքեր խոցել են ռուսական ռազմական ճամբարը «Խալինո» օդանավակայանի մոտ։ BBC-ին այս մասին հայտնել է Ուկրաինայի անվտանգության ծառայությունում աղբյուրը։
Նրա խոսքով՝ այս տարածքում տեղակայված է եղել մինչև 3 հազար ռուս զինվորական և շուրջ 80 միավոր զինտեխնիկա։
«Թշնամու շարքերում կորուստների հստակ թիվը պարզվում է, սակայն ակնհայտ է, որ հարվածները հզոր են եղել, ճամբարին ԱԹՍ-ների առնվազն 18 հարված է եղել»,- հայտնել է աղբյուրը։
ՌԴ Պաշտպանության նախարարությունն ավելի վաղ հայտարարել էր, որ 28 անօդաչու թռչող սարք են խոցել Բելգորոդի և Կուրսկի շրջաններում և Սև ծովի վրա։
Կուրսկի շրջանի նահանգապետ Ռոման Ստարովոյտը հայտնել է, որ վեց ավիացիոն տիպի անօդաչու թռչող սարքեր են խոցվել շրջանի վրա, ևս չորսը ճնշվել են ռադիոէլեկտրոնային պայքարի միջոցով։ Նրա խոսքով՝ տուժածներ և ավերածություններ չկան։
